خردوات مولانا

خردوات مولانا

=========

امشاط وفلايات وشرايط ملونة

مكياج وكريمات ومانكير الوانات

وكمان عروسة باربى بازهى الموضات

عندنا كتب قص ولزق عن اى شئ مش مهم تفهم المهم ينشروا ويكسبوا

عندنا لوجوهات لاحزاب صحيح مفيش احزاب بس اهم شئ اليافطة

عندنا خطب عصماء عن حقوق الانسان صحيح مفيش اصلا عندنا انسان وبالتالى مفيش حقوق بس الخطب موجودة

عندنا مشاعر انسانية بايرة عليها اكازيون خد 10 وعليهم لعبة فطار هدية برضه

عندنا اغانى قديمة وحديثة ولسه كمان منزلتيش السوق كلها اغانية وطنية خد اللى يعجبك

وكله ب 2.5 وتعالى بص

مجانا للابد صور نخبة ( ممثليين و ممثلات - صحفيين - كتاب - اساتذة جامعات - شعراء - نقاد مع ان مفيش ابداع ليتم نقده - اصحاب اتجاهات سياسية مع ان مفيش اصلا سياسة ) وعلى كل صورة هدية النشيد الوطنى

بلادى بلادى لك حبى وفؤادى

وكله ب 2.5 وتعالى بص

عندنا جرايد قديمة وحديثة فيها كل مقالات كبير الكهنة وللاسف تحت عنوان مبهر ( بصراحة ) وفى هدايا عليها مقالات لاولاده ابراهيم نافع وسعدة وسمير رجب واحفاده عبد الله السناوى وعبد الحليم قنديل و هدايا كتير

وكله ب 2.5 وتعالى بص

عندنا شرايط دينية وسيديهات لكل المشايخ المشهورين ( محمد حسان - يعقوب - عمرو خالد - خالد الجندى واخرون ) لتعليم الصلاة والزكاة والتكافل وعذاب القبر ومحبة الاخر فقط لكن عن العدل والحرية للاسف لا

كله ب 2.5 وتعالى بص

عندنا فتاوى جاهزة وفتاوى تفصيل وفتاوى على الهوى وفتاوى ملهاش دعوة بالدين اصلا

الفتاوى ديليفرى

وكله ب 2.5 وتعالى بص

عندنا اغانى ملهاش اى دعوة بالوجدان والابداع اهو اى تخبيط وخلاص لكل المطربين (عمرو دياب - تامر حسنى - حمادة هلال - اوكا واورتيجا وشحتة )

كله ب 2.5 وتعالى بص

بفكر افتح جنب دكان الخردوات فاترينة للاكل

سندوتشات لحم بشرى مشوى

كل واشخر

عندنا 74 فانلة لاولاد زاى الفل بس اصحابهم ماتوا غدر

للاسف مش للبيع بكل كنوز الدنيا

عندنا افلام ( مسمى بس ) تعلمك ازاى تشرب مخدرات وازاى تخون مراتك وازاى تعمل كذا كذا كمان وكله تحت رسالة الفن والابداع

وكله ب 2.5 وتعالى بص

عندنا روايات ( مسمى بس ) تعلمك الكفر والالحاد لانها بتركز فقط على الجنس وطبعا الدين التوبوهات ولكن سياسة لا والف كلمة حق لا كلمة ابداع لا ونص وتعالى بص

وكله ب 2.5 وتعالى بص

عندنا برامج (مسمى بس ) بتعجن فى اى نيلة على دماغ اللى بيتفرج اهم شئ التضليل والخوض فى الدين

وده من مولانا ببلاش

خلى الناس تتنيل وبلاش تبص

عندنا كتب تاريخ مزور بس على مية بيضا قديمة وحدبثة على كل لون يا باتيستا

كل التاريخ ب 2.5 وتعالى بص

يلا قبل ما يعقلوا عندنا برامج رياضية بتشجع على كل شئ سئ الا الرياضة كله تبع السبوبة الحرام ومقدمين برامج ياريت جهلة وبس لا جهلة ومنافقين وولاد تييييييييييييييييييييييييييييييييييييييت

اللى يلحق قبل ما يعقلوا

كله ب 2.5 وتعالى بص