حلم ليلة من ليالى التليفزيون

حلم ليلة من ليالى التليفزيون

=============

جدى ساب لينا فيلا كبيرة وفى احسن مكان وعلى ناصيتبن وبطل على النيل

المهم

واحد من العيلة قال ان اخوكم الكبير انا اللى اظبط الفيلا هو 13 اصحابه

وللحق ظبط الفيلا كحجر ونسى يسكن البشر وكمان الجيران خدوا الجنينة منه

واحد تانى من العيلة انا بقا اللى ها اظبط كل شئ فى الفيلا

رجع الجنينة بس الجيران قالوا بشرط لا تزرع فيها ورد

ونزل كل قرايبى من كل الادوار للاجتماع به وبدون مقدمات قال لهم اللى ها يسكن فى اى حتة تبقى بتاعته

ضيع البشر وابقى جزء من الحجر

جانا بقا ابن عمنا

قال انا مليش دعوة لا بالحجر والبشر نستنى شوية لما نتصالح ولاد خالنا وفعلا حصل

وهوبا اتلم عليه شوية معلمين كبار اوى وجامدين اوى قالوا له الفيلا ده كنز ولازم نعمل بها مشروع استثمارى يجيب لنا دهب

قال لهم طيب وبقيت الناس قالوا ها نتصرف معهم دول ناس طيبة اوى

قاعدوا يفتتوا فى الفيلا لغاية ما خربت خالص

قوم ايه بقا الناس الطيبة تقوم عاوزة حقها فى الفيلا المعلمين الكبار اوى قالوا لكبيرهم قول لهم موافق ونكتبها كمان باسمهم كلام كده وكده علشان يهدوا ويروحوا وخلصت

طب يا ناس مين اللى ها يدير الفيلا قالوا مفيش الا عم الشيخ لانه بتاع ربنا ومش ها يظلم حد  

قوم ايه عم الشيخ اللى كان مصاحب كل اللى افسدوا الفيلا قالك انا لها

وفعلا الناس الطيبة اوى قالوا الشيخ ده بتاع ربنا وهو اللى يظبط الدنيا وها نشوف على ايديه الخير كله

المهم عم الشيخ كل شوية يقولك انا عاوز اصلح بس الوحشين مش عاوزين انى اصلح

طيب من دول الوحشين يا عم الشيخ يسكت

المهم الوحشين دول بقا اتلموا على بعض جهارا نهارا وقالوا الشيخ يمشى لانه ها يقسم الفيلا

مشوا الشيخ

وهنا صحيت من النوم