القواعد العشرين فى عشق غسيل المواعين
=============
1- ادخل المطبخ كانك ها تقابل حبيبتك
2- لا تنظم اى شئ بل العكس املا عينيك من الكركبة
3- شغل موسيقى فيها دوشة علشان تشجعك وكمان لا تسرح
4- ابدا بالكوبيات علشان بتاخد مكان على الفاضى
5- الاطباق لازم تنظف بقايا الاكل الاول علشان الحوض لا يسد
6- الحلل التى بها دهون الاول تتغسل بسلك مواعين وبعدين بالليفة والصابون
7- ضيف قشر الليمون على الصابون السائل علشان بيلمع المواعين
8- اعسل البوتجاز عن طريق سلك المواعين الاول وبعدين بالصابون
9- الرخامة لازم تتصبن كويس وتتنشف بفوطة ناشفة
10- الارضية تتمسح على الاقل 3 مرات علشان تبقى فلة
11- الحمام طبعا بعد مسح المطبخ بقا نيلة بس الاول نظف البيبة من البقايا اللى جات من المطبخ
12- قبل مسح الحمام لازم تنظف الحوض والقاعدة بالمرة علشان كله قشطة
13- لا تفكر فى اى شئ الا فى المواعين فقط حتى تحصل على راحة ذهنية غير عادية
14- لا تتعامل مع المواعين انها جمادات بل تحف تبوح باسرارها لمن يقدر الجمال
15- لا تتدخل وانت فى نيتك عسيل المواعين وفقط بل المواعين هى من تغسل كل همومك وها تحس يراحة ومتعة
16 - انسى كلام الناس ان ده شغل الحريم لان ده ناس لا تعرف اين يكمن الجمال وان تقوم بالعمل الرائع ده
17- اعمل كوباية شاى او فنجان فهوة كمكافاءة لعملك الرائع
18- خد حمام بعد المواعين لان هدومك كلها بقيت مليانة ميه والبرد ممكن يمسكك
19- خد كوباية الشاى ولا فنجان القهوة وولع سيجارة هاتحس بمتعة ونشوة كانك كنت فى لقاء محبوبتك بعد هجر طويل
20- المواعين راحة من البشر المنافقين فلا تحرم نفسك من اللقاء بها حتى تكون انسان حقيقى
0 التعليقات
