العادات
والتقاليد المصرية المستحدثة
================
موضوع الافراح
تبقى البنت من الحكورة والواد السيس من الحيتية
ويعملوا فرح بشئ وشوية وهم اصلا مش لاقيين باكلوا
الاكادة بقا
الامورة تمسك ورد وترميه على العوانس اللى زايها
عيشوا عيشة اهاليكم
--------------------
لما تتقابل مع احد الاصدقاء لازم يتنيل ويبوسك وهو كله
عرق وقرف قال الواد مصدق شافك
شوف الحنية وشوف الانسانية
اما الحريم يتقابلوا تحس انهم كانوا مسافرين واحدة كانت
فى العراق والثانية راجعة من النمسا بوس السنين بس على الهوا علشان الميك اب
عادات مقرفة
-------------------
وده بقا كارثة بس محدش واخد باله منها
موضوع الدباديب فى المناسبات القومية
زاى عيد ميلاد الشملولة ولا عيد جوازها ولا الزفت اللى
اسمه عيد الحب
لازم يا حيالتها تجيب تيلة دبدوب والا تبقى ليلة نيلة
لابد من حرق الدباديب اللى فى العالم كله
------------------
تقول للحلوة تحبى نخرج نروح فين تتنك عليك وتقولك نروح
سيلنترو
ولا مول العرب
ولا داون تاون مول
وهى المقشفة كانت لما تعدى على قهوة بعرة تحلف بحياتها
--------------------
تخرج مع المزة وعاوز تروح حتة تقولها نركب ايه
تتجعص وتقولك اطلب اوبر ولا كريم
الله يرحم الاتوبيس ولا الميكروباص
عرفتى اوبر
لو منك اسيبها واروح ياكش تولع
-------------------
الاسماء على مواقع التواصل الاجتماعى
ده بقا كارثة الكوارث المخفية
اشكال والوان يا خال
ما انزل الله بها من سلطان
سواء الاسماء الروشة اللى تقولك اخت القمر بنت الكدابة
ولا اللى تقولك زاى مفيش مع ان اخواتها فى الجنينة
بيتنططوا
ولا الامور اللى حاطط صورة يقرف منها الكلب الاجرب
ويقولك من جمالى البنات يغمن عليها
طبعا الاسماء الاسلامية انسى يا عمرو تحسسك انك فى عصر
الصحابة وهما اكثرهم شمال
-------------------
انك تعزم حد على اكل برة
تقولها تحبى نتغدى فين
تقولك الفور سيزون ولا الماريوت
طبعا العبيط يوافق عاوز يرضى الحلوة
وهنا يقف امام كارثة محققة
لان قائمة الطعام المنيو مكتوبة فى الاماكن انجليزى
والامورة تعليم مجانى وتقولك ااقرا انت يا حيلة ابوك
المهم تحاول تعمل ابو العريف
وهوبا يجى الاكل وهو
السبرنغ رولز الفيتنامي
او
الكانيلوني على الطريقة الإيطالية
او شوربة ضفدع
مالها الكبدة من عند ابو اشف
0 التعليقات
