العادات والتقاليد
المصرية السخيفة
=================
العزومات
واه من العزومات التى تخرب ييتك خاصة لو كان المعزومين
من طرف الست وبها حريم
اوبا
يطلع طقم الصينى بالكامل
يتعمل كل انواع المحشى وصوانى مكرونة بشاميل وده بخلاف
اللحمة والفراخ ومفيش مانع من نوع ولا اتنين من الطبيخ
طبعا لازم فاكهة نوع واتنين وربما ثلاثة
لازم حلويات شرقية وغربية ولا فى جنوبية شمالية مفيش
مانع
المهم يا مؤمن كل اللى جاى العزومة يحسسك انه ملوش فى
الاكل يدوبك لقمة وشكرا يا كماحة
وطبعا معاليك تطفح الباقى طول الاسبوع
ما علينا فى الاكل
الناس تنزل والزوجة المصونة تلبس جلابية الغباوة وقمطة
على الراس وتقولك انا هلكت النهاردة وتخش تنام
ومعاليك مع الاولاد تقوموا بشيل بقايا البهوات المعزومين
وتغسل المواعين واه ثم اه ثم اه لو كسرت طبق من طقم الصينى ستقابل هولاكو بجيشه
طظ فى العزومات
------------------------
النيش
الله يحرق من اخترعه
يا اخويا البنت من دول تيجى تتجوز اخيرا بعد عنوسة سنوات
وسنوات
تخرب بيت ابوها بسبب الزفت النيش وما بداخله طبعا
المهم بعد الجواز ممكن انا قلت ممكن تخرج نوع من الكاسات
كنوع من التنطيط على الزوج المسكين وتحسسه انه اتجوز اميرة ويلز
وممكن كمان مرة يخرج لحماتها علشان تقولها هى مين
وهوبا بعد ذلك يصبح كنز الكنوز التى تحرص على الحفاظ
عليها بكل طاقة ممكنة
تخلف بقا الامورة بنوتة تقول للاب الحديث جدا احنا نشيل
الحاجات اللى فى النيش للبنت اللى فى اللفة كجهاز لها
حسبى الله ونعم الوكيل فى النيش واللى اخترعه
الزيارة بصحبة عيل
لما يزوك اى احد ومعه طفل فى حدود 3 سنين اواكتر قليل
طبعا لازم تبوس اهله ويا سلام لو بقا عيل رخم وطبعا ده
العادى فى الاطفال
وتيجى بقا الشملولة مراتك تدى الرخم ده شيكولاتة
وهنا تحدث الملاحم
الرخم ياكل ويلحوس وشه وهوبا يمسح ايده فى الانترية
وهنا يحدث احد الحالتين
اما الشملولة يغمن عليها
او تسئلوا عن الزوج فى احد المشتشفيات للكسور
انسفوا
----------------------------
اقتحام الخصوصية
تكون قاعد فى المواصلات العامة والمترو تحديدا ومركز فى
شئ ما سواء تفكيرا او قراءة
ولا جتى بتلعب فى النوبايل
وهوبا تلاقى واحد رزل ابن رزل يدخل معاك فى موضوع تافه
زاى امه
انا عن نفسى بكسف امه لانى مش ناقص غباوة
-------------
تكتب حاجة على الفيس ويجى واحد امور ولا واحدة امورة
يقولوا تقصد مين
عاوز تقول ايه
اكونش بكتب بلغة مسمارية
ملحوظة علشان الهرى
الكتابة المسمارية
هي نوع من الكتابة تنقش فوق ألواح الطين والحجر والشمع
والمعادن وغيرها. وهذه الكتابة كانت متداولة لدي الشعوب القديمة بجنوب غرب آسيا.
-----------------
موضوع العيدية
ده بقا مينفعش يتكست عليه
اصبح مدمر
انا بدفع بس
ميصحش كده
تضامنوا معى حتى ننسف ام العيدية ده
---------------------
تنظيف البيوت وغسيل السجاجيد قبل العيد
وقبل العيد باسبوع البيت يتقلب ويبقى نوع من العذاب
واه لو اتكلمت
تبقى ايام سودا
انسفوا الغباء المقنع
0 التعليقات
